هوشة عرب(اليوم الأول في التسجيل في الجامعة ! لا تعليق!!!)

بصرااااااحة.. انا كنت اول يوم بالتسجيل..
وبصرااااحة اكبر الزحمة الي صارت.. اكتر بكتيييييير من الي بالصورة...
عنجد.. كان يوم لا ينسى..

ههههههههه ... بسدءك .
و بشكر الشخص يلي صور الصورة و بعتها بالـhi5 ,, بس مو متزكر إسمه صراحة .

لو كل واحد سجل مواده عالنت لحاله شو المانع !!!
مو احسن من المسخرة هي

شكرا عالصورة admin

على فكرة بفكرونا العالم مدللين والتسجيل عنا كتير ميسر والموظفين كتير لطيفين معنا ......بس ياريتن يعرفو حقيقة جامعة القلمون يللي نظامها أسوأ من كلية الاقتصاد والآداب بكتير

بركي السنة الجي متل ما منقول كل سنة بيصير التسجيل بالإنترنت أو عن طريق الحمام الزاجل بيكون أفضل

ههههههه الحمد الله ماحضرت التسجيل هل فصل بس هداك الفصل والصيفي كمان صار شي بخلي الواحد يجن يعني مابعرف شو قول بس معقول جامعة فيها شي 2000 طالب اذا مااكتر فيها كم كمبيوتر بس والكل بده يسجل فيها بنفس اليوم يعني عم بصير كتير مسخرة بيوم تسجيل المواد حتى اخر الشي بعد ماتقتل حالك لتفوت بتنقطع الشبكة وبتضل ساعات ليمشي حالها يعني على اساس نحن طلاب القلمون ومافي مننا ونحن كتير مدللين بس اللي بيجي بشوفنا يوم تسجيل المواد اكيد مارح يسجل بالجامعة ابدا

شو تسجلو على النت قال بينضرب السيرفر قال
اصلا قسم النظم كلو بدو تغير

بس بدي قول شغلة
الله يرحم ايام الرقة الزهرية

عنجد هاليوم مابيتنسى

يعني لله يسامحن لو يعملو التسجيل عالنت يعني الله يعينن اهل حلب والجزيرة والدير من اخر الدنية ومافي نظام ابدا يعني لو يعملوا التسجيل عن طريق النت او كل يوم كلية بيكون اهون وبيخف العجئة لا وياريت وئفت على هيك اول يوم والسيرفر انضرب

لا و شو الواحد بيكون طارق مشوار الله ربو اخر الشي بيقولو تعا بكرا او بعدو :S طيب شو بدو يجيبني
انو ممكن بدو يسافر برا عند اهلو بتطير التذكره مشان حضرة ( انضرب النظام)

و الجامعات التانيه فيا اضعاف طلابنا كيف ما بيضرب النظام

:@
لازم يكون على النت التسجيل انو معظم الطلاب مغتربين بتكون الاجازه 15 يوم لازم يجي قبل بأسبوع مشان التسجيل
انو بنص الاجازه :S

SHANKOt كتب:

و الجامعات التانيه فيا اضعاف طلابنا كيف ما بيضرب النظام

:@
لازم يكون على النت التسجيل انو معظم الطلاب مغتربين بتكون الاجازه 15 يوم لازم يجي قبل بأسبوع مشان التسجيل
انو بنص الاجازه :S

كلامك درر شنكوت

تسلم حبيب....

إزا دققت بالصورة بتلاقي إنوا الطلاب بدأوا يأخدوا منحنى النظام شوية زغنونة.....هاي بالحلبي

بس يلي حضر توزيع الأرقام لما سجلنا لهال الفصل بيعرف شو يعني هوشة عرب

وقفنا على جهاز القطعت قبل بساعتين

الجامعة كان فيا طالبين بس

لو قلت فرن خبز أيام المجاعات بيكون قليل

ياشباب أخد الرقم من إيد الموظف ما توصلني إيدي إلا والورقة مشقوقة

شي مو طبيعي

هاي الصورة متل ما بيقولوا "غيض من فيض"

الله يعين بس

ليك ADMIN انا اول ما شفت الصورة ... قلت يا حبيبي .... اخد الصورة وبدون ما يكتب من وين جابها !!!! .... بس بعد ما قرأت انك جبتها من واحد عالhi5 .... قلت منيح والله ... مو متل المنتديات التانية !!! .... انا يلي مصور هالصورة من موبايلي وانا هادا الواحد يلي بالhi5 .... والنهفة انوا بعد ما صورتها بشي 5 دقائق ... كان في واحد جمبي عم يصور ... يا حرام شافو واحد من الادارة .... أخذ اسمو ورقمو وقلو يمسح الصورة .... انا قلت لحالي نفدت بأعجوبي !!!! ..... خصوصا كنت وقتها لسا مو طالب بالجامعة !!! .... مو عيب هالشي ..... بس شو بدو يحكي الواحد ..... على كل حال .... يسلمو admin لانك حطيت الصورة هون ... سبقتني ... كنت عم فكر حطها ! .... يلا .... نعيش وناكل غيرها

إيه هادا إنتِ أهلين و سهلين .. انا إلت إنو واحد حطا بالهاي فايف . و منيح يلي إجيت .. مشكور على الصورة و الله سترك لأنو هدول الـsecurity ما بيتحاكو !

معناتها غير صورتك مشان ما يعرفوك بعدين بيفصلوك

خلي بعرفوك نحنا معك على الموت

هاهاهاها !!! علي وعلى أعدائي !!!
يبلطو البحر .... يكنسو الصحراء .... اصلا بددون مين يسجل بالجامعة عندون !!!!

اي مظبوط بس ما بدن واحد يوجعلهن راسن بقا بشارة الك عقوبة
قصدي لجنة تأديبية

صحي بكرة منزل العقوبات على المندى .. أو منعمل منتدى حرمان ههههههههه أو منتدى الفصل النهائي و الإنزارات .
معليش يا شباب لا تخافو لأنو حرية التعبير يلي إحنا منحكي فيها و المواضيع الهادفة بترجع لللجامعة بالمنيح . يعني هيك منعطي صورة عن جامعة ديمقراطية .

يا عيني أنت وياه بلا لجنة تأديب بلا بلوط لك و الله شغلتون فاضية
لك هي الصورة ولا ذرة صغيرة من الي عانيناه يوم تنزيل المواد لك و الله أخر مادة نزلتها الساعة 9 المسا يعني لحتا وصلت على الشام صارت 10
واحد طالع من الساعة 5 من بيتو مشان ينزل كم مادة و ينستر
بيرجع أخر اليل و هو أكل أليف خبطة و نعرة من مجاعة المواد الي صارت
يعني هاد بيتسما منطق......
بعدين أذا السرفر تبعوون مانو حامل حالو يعني كلون الي كانو شغالين تنزيل مواد شي 20 جهاز مو أكتر أم انضرب السرفر و عطاكون عمرو
لسا آل بدون يعملو على النت
الله وكيلكون يمكن بينضرب النت كلو من وراهوون أذا شبكة داخلية مو حاملين بدها تحمل نت أصلا الجامعة كلا على بعضها ما فيها نت
و الله ملا جامعة بس شو بدو يحكي الواحد الله بيعين

والله لولا ما كانت الدنيا رمضان كان البشوفها بقول حاطين بوفيه مفتوح والطلاب مييتين من الجوع... بس اللي بعرف عشو متجمعين بتنسد نفسه..ههه

بس شو اتقولوا انا جاي من الأردن و طارق الف مشوار ولا ابن بطوطة عشان نزل مواد و روح بنفس اليوم عشان ما عندي ناس بسوريا نام عندهم..قال شو الهندسة المعمارية انت؟ قلتلهم اه حكولي لكان تعا بكرا...
مافي اي مشكلة عندهم..قمت روحت وبعدين حكيت لرفيقي نزللي...
والله وجع راس ورجلين يا جماعة!!!!!

فعلاً مشكلتك مشكلة يعني شلون بدك ترجع على الإردن بزكائهم الخارق .
على العموم كنت تعا نام عندي يا زلمة .

والله... عراسي عقيد